Балық аулауға тыйым салынды

     Елімізде балық аулауға уақытша тыйым салынды. Себебі, балықтардың уылдырық шашу маусымы басталды.

Ресми дерек көзіне сенсек, Қарағанды облысында 20 сәуірден 20 мамырға дейін көксерке балығын аулауға тыйым салынады. Сондай-ақ, 1 мамырдан 1 маусымға дейін аймақтағы су қоймаларынан тұқы мен сазан аулауға болмайды.

Осындай шектеу Балқаш көлінде 15 сәуірден бастап қойылған. Тыйым 1 маусымға дейін күшінде болады.

Қуаныш АМАНҚҰЛОВ