Жолдан шығып кеткен көлік балабақша қақпасына соғылды

Қарағандыда “Фольксваген Гольф” көлігі “Хундай акцентпен” соқтығысып, балалар бақшасының қоршауына соғылған. Абырой болғанда оқиғадан балалар не олардың ата-аналары зардап шекпеген деп хабарлайды өңірдегі NUR.KZ тілшісі.

Алдын-ала болжамы бойынша, Нүркен Әбдіров даңғылымен келе жатқан “Хундай акцент” солға бұрылып, “Фольксваген Гольф” көлігін жібермей қойған. Салдарынан көлік балабақша қақпасына соғылған.

Оқиғаға шын мәнісінде кімнің кінәлі екенін полицейлер анықтайтын болады. Кінәлі азамат зардап шеккен көліктің өтемақысын төлеп қана қоймай, балабақша қақпасын да қалпына келтіреді.

Себебі мекеменің қақпасына айтарлықтай зақым келген.