Қымбатты жерлестер!

 

Сіздерді мемлекеттік мереке – Астана күнімен шын жүректен құттықтаймыз!

Осыдан 20 жыл бұрын егеменді Қазақстанның Президенті Нұрсұлтан Әбішұлы Назарбаев ас­тананы ауыстыру туралы шешім қабылдады.

20 жыл – тарих үшін қасқағым сәт. Бірақ, осындай аз ғана уақытта ғаламшарымыздың ешбір мегаполисі біздің астанамыздай құлпырып, ерекше кейіпке енген емес.

Қарқынды дамуға ие болған жас астана өз соңынан күллі елімізді гүлдену жолына бас­тады. Астана аз уақытта әлемнің ең әдемі шаһар­ларының біріне, Орталық Азияның экономикалық және мәдени өмірінің орталығына, барлық қа­зақстандықтардың мақтанышына айналды. Бас қаланың осындай ерекше кейіпке енуіне біздің де құрылысшыларымыздың зор үлесі тиді. Олар «Бәйтерек» монументі, Мұз сарайы, «Қазақ Елі» стелласы, Бейбітшілік пен келісім сарайы, «Ас­тана Триумфы» тұрғын үй кешені және басқа да ауқымды құрылыстарға күш салды.

Бүгінгі Астана – Қазақстан Республикасы Президенті Нұрсұлтан Назарбаевтың страте­гиялық курсының жемісі. Қазақстанның жаңа астанасын ел Президентінің төл перзенті және саяси кемеңгерлігінің шыңы деуге толық негіз бар.

Мемлекет басшысының бастамасымен және тікелей басшылығымен бой көтерген Астана – әлемдік деңгейдегі басқосулар өтетін маңызды диалогтық алаңға айналды.

Сондай-ақ, Астана – Қазақстанның бейбіт­шілігінің, бай мәдениетінің, аса биік межедегі спорт­тық жетістіктерінің нышаны.

Астана – халқымызбен бірге жасауы тиіс мәң­гілік ұлттық асқақ рухымыз! Біздің рухани жаңғыруымыздың негізі – Ұлы Қазақстан мәде­ниетінің бір бөлшегі.

Осынау шуақты күнде біздің облыс тұрғын­дарын Астана күнімен шын жүректен құттық­таймыз!

Барлықтарыңызға бейбіт өмір, ырыс-береке және Отанымыз – Қазақстан Республикасының гүлденуі жолындағы еңбектеріңізге жаңа же­тістіктер тілейміз!

Ерлан ҚОШАНОВ,

Қарағанды облысының әкімі.

Серғазы ӘДЕКЕНОВ,

облыстық мәслихат хатшысының

міндетін атқарушы.

Пікір қалдыру

Сіздің e-mail жарияланбайды. Толтырылуы міндетті *

This site uses Akismet to reduce spam. Learn how your comment data is processed.