Тәуелсіздік жаршысы

Газетіміздің 85 жылдығы ел Тәуелсіздігінің ширек ғасырлық тойымен тұспа-тұс келуін жақсы ырымға балаймын.

Қарағанды қалалық газетінің алдындағы тұрған міндетті жете түсіндіру үшін сонау 30 жылдардың басында көмірлі мекенге астанадан атақты Бейімбет Майлин, Сәбит Мұқанов сынды жазушылар арнайы келіп, шеберлік сыныбын өткізген екен. Ал сұрапыл соғыс қайнап тұрған 1943 жылдың жазында редакция ұжымы бас болып, халыққа рухани серпін беретін әрі халық дәстүрін жалғастыратын ақындар айтысын өткізіп отырған.

«Орталық Қазақстан» газеті ұлттық дәстүрді берік ұстанған және оны жалғастырушы баспа. Ендеше, Ой санасын жетілдіріп адамның, Жоғын жоқтап сарыарқадай даламның, Газетіміз «Орталық Қазақстан», Құтты болсын 85 жылдық қадамың!

Санжар ХАМЗА,

Абай атындағы негізгі орта мектептің 3 сынып оқушысы.

АҚТОҒАЙ ауданы.