Қарағандыда су құбыры желілерін қайта жаңарту жұмыстары себебінен Назарбаев даңғылындағы жол учаскесі жабылады.

2-18 қараша аралығында Назарбаев даңғылында (тақ жағы) диаметрі 315 мм су құбыры желісін қайта жаңарту жұмыстарын жүргізуге байланысты Ерубаев көшесінен Бұқар жырау даңғылына дейінгі жол учаскесі автокөлік иелері үшін жабық болады. Сондай – ақ, Лобода-Назарбаев учаскесінде де автокөлік қозғалысы жабылады.
Жұмысты «Қарағанды Су» ЖШС бригадасы траншеясыз технология бойынша жүргізеді. Компания бұл жолы құбырдың соңғы 100 метрін ауыстырамыз дейді.
Осыған орай, № 1, 28, 43, 44, 65, 07, 13, 30 қоғамдық көліктерінің қозғалыс схемасы өзгерді.
Аида РАХЫМҚҰЛОВА,
Ortalyq.kz