№36 мектепте оқу процессі қалыпқа келтірілді

Өткен аптада шатыры өртеніп кеткен №36 мектепте қалпына келтіру жұмыстары аяқталды. Өрт сөндіру барысында зардап шеккен сыныптар құрғатылып, тілсіз жаудың зардаптары толық жойылды. Қазір оқушылар өз мектептерінде білім алуда, – деп хабарлайды Ortalyq.kz

Қарағанды облыстық білім басқармасының басшысы Есенғазы Иманғалиевтің мәлімдеуінше, қазір материалдық шығындарды есептелуде. Өрт ғимараттың шатырындағы жарық шамдарының тұйықталуынан туындаған болуы мүмкін. Тексеру жұмыстары әлі де жалғасуда.