Теміржол вокзалын қалпына келтіру жұмыстары жалғасуда

Қарағанды қаласында теміржол вокзалын қалпына келтіру жұмыстары жалғасуда. Қазіргі таңда бас ғимараттың қасбетін түзету  жұмыстары жүргізілуде. Қарағанды облысының әкімі Жеңіс Қасымбек құрылыс нысанына барып, жұмыстың барысымен танысты.  

«Қазақстан темір жолы» АҚ вокзал шаруашылығы жөніндегі атқарушы директоры Жұбан Көрпебаевтың айтуынша, орталық кіреберіске бағандар және басқа да сәулеттік әшекейлер қосылады, терезе орындары кеңейтіліп, карниздер орнатылады. Сондай-ақ, перронға жер үстімен өтетін жаңа терминалдың құрылысы жүріп жатыр. Бұл жұмыстардың барлығы желтоқсан айының ортасына дейін аяқталады.