Көлік ұрысы құрықталды

Қарағанды қаласы Ә.Бөкейхан аудандық полиция бөліміне 22 жастағы қала тұрғыны хабарласып, белгісіз біреулердің көпқабатты үйдің ауласында тұрған көлігін ұрлап кеткенін айтып шағымданған. Келтірілген шығын сомасы 1,6 млн теңгені құрады.

Жедел-іздестіру іс – шаралары барысында криминалдық полиция қызметкерлері 25 жастағы күдіктіні ұстады. Ол жәбірленушінің көлігін ұрлағанын мойындады. Автокөлік тәркіленіп, заңды иесіне қайтарылды. Сотқа дейінгі тергеу барысында күдіктінің басқа да автокөлік ұрлықтарына қатысы бары анықталды. Қазіргі уақытта ҚР ҚК-нің 188-бабы «Ұрлық» бойынша тергеу амалдары жалғасуда.

Ілияс ДҮНГЕНБАЙҰЛЫ