Бас тақырып
Бүгін Қарағандыда бас шыршаның шамдары жағылады
Бүгін, 25 желтоқсан сағат 19.00-де Қарағандының Тәуелсіздік алаңында қаланың бас шыршасының шамдары жағылады. Бұл туралы қала әкімдігінің баспасөз қызметі мәлімдеді.
![](http://ortalyq.kz/wp-content/uploads/2023/12/9b11be9e-2011-46bf-aa89-bd9d3c218185.jpg)
Таңертеңнен бастап Тәуелсіздік алаңында аталмыш оқиғаға дайындық жүріп жатыр. Арнайы техникалар жұмыс істеп, сахна монтажы жүргізілуде. Кешке мерекелік бағдарлама, шыршаның шамдарын жағу және отшашу жоспарланған.
23-30 желтоқсан аралығында «Теміржолшылар» МҮ, «Молодежный» МҮ және «Жаңа Майқұдық» МҮ балаларға арналған жаңа жылдық ертеңгіліктер, қала кітапханаларында тақырыптық іс-шаралар өтеді. 1 қаңтарға қараған түні сағат 01.00-де Орталық саябақта Жаңа жылдық концерттік бағдарлама өтеді деп жоспарлануда.
Ілияс ДҮНГЕНБАЙҰЛЫ.