Қазақтың даңқты боксшысы, жерлесіміз Серік Нұрқазов із-түссіз жоғалып кетті
Қазақстан бокс федерациясының баспасөз қызметі Instagram-парақшасында отандық танымал боксшы, даңқты жерлесіміз, КСРО-ның еңбек сіңірген спорт шебері, Еуропа чемпионы Серік Нұрқазовтың жоғалып кеткені туралы мәлімдеді, деп хабарлайды Ortalyq.kz baq.kz сайтына сілтеме жасап.
![](http://ortalyq.kz/wp-content/uploads/2023/12/65887fa32d3f9763149411.jpeg)
«Қоғам» еріктілер отрядының мәліметінше, 64 жастағы ер адам 14 желтоқсанда Алматыда жоғалып кеткен.
– Назар аударыңыз! Нұрқазов Серік, 04.10.1959 – туған күні. 14.12.2023 күні Луганск көшесіндегі өз үйінен белгісіз бағытта шығып кетіп, оның қайда екені қазірге дейін белгісіз. Киімі: сұр түсті қалпақ, көк түсті күрте, ақ түсті жейде, қара түсті джинсы шалбар. Ерекшеліктері: шашы – ақ түсті, сақалы бар. Жоғалған адам туралы қандай да бір мәлімет білетін адамдар мына нөмірге хабарласса деп өтінеміз: +7 702 712 79 22 немесе @kogam_almaty, – делінген мәліметте.
![](http://ortalyq.kz/wp-content/uploads/2023/12/photo_5208584068122400540_y.jpg)
Серік Төкенұлы Нұрқазов Қарағанды облысында дүниеге келген.
– Бокстан КСРО еңбек сіңірген спорт шебері;
– 1983 жылы Римде өткен Әлем кубогының күміс жүлдегері;
– 1981 жылы Тамперада өткен Еуропа чемпионатының қола жүлдегері;
– 1983 жылы Варнада өткен Еуропа чемпионы;
– КСРО-ның бірнеше дүркін чемпионы.
Алматы қалалық ПБ өкілдері қазіргі уақытта Медеу ауданының полиция басқармасы осы факт бойынша іздестіру ісін жүргізіп жатқанын хабарлады.
– Жоғалған адамның қайда екенін анықтауға және оның отбасына оралуына бағытталған жедел-іздестіру шаралар кешені жүргізіліп жатыр, – делінген қалалық ПД хабарламасында.
Материалды әзірлеген Ілияс ДҮНГЕНБАЙҰЛЫ.