Қанат Бозымбаев Үкімет басшысының орынбасары болып тағайындалды
Бұрын облыс әкімі, министр қызметтерін атқарған Қанат Бозымбаев Үкімет басшысының орынбасары болды, деп хабарлайды Ortalyq.kz akorda.kz сайтына сілтеме жасап.
– Мемлекет басшысының Жарлығымен Қанат Алдабергенұлы Бозымбаев Қазақстан Республикасы Премьер-Министрінің орынбасары болып тағайындалды, ол бұрынғы атқарған лауазымынан босатылды, – делінген ақпарат көзінде.
Ал оның қандай салаға жауап беретінін Президенттің кеңесшісі – Президенттің Баспасөз хатшысы Берік Уәли жариялады.
– Мемлекет басшысының Жарлығымен Қазақстан Республикасы Премьер-Министрінің орынбасары болып тағайындалған Қанат Алдабергенұлы Бозымбаев өңірлік саясат, тұрғын үй-коммуналдық шаруашылық, төтенше жағдайлар және су ресурстары мәселелеріне жетекшілік ететін болады, – деді ол.
Материалды әзірлеген Ілияс ДҮНГЕНБАЙҰЛЫ.
