Қарағанды мен Теміртау арасында қатынайтын №107 қалааралық бағыттағы автобустар жаңартылуда. Бүгінде Yutong маркалы 8 жаңа автобус қала арасында қатынауда.
– №107 маршрутқа №3 және №5 автопарк жауапты. Бұл бағытта барлығы 16 автобус қатынайды. Олардың барлығы жаңартылды. №5 автопарк маусым айында жергілікті өндіруші QazTehna зауытында жасалған 8 жаңа жайлы автобус сатып алған еді, – делінген жолаушылар көлігі және автомобиль жолдары басқармасының берген хабарламасында.
Жаңа автобустардың салоны ауаны желдету жүйесімен жабдықталған. Алдағы уақытта автобус парктеріндегі ескі автобустар толығымен жаңартылады деп күтілуде.
