Облыс әкімі

Жеңіс Қасымбек тұрмыстық зорлық-зомбылық құрбандарына арналған дағдарыс орталықтарының жұмысын күшейтуді тапсырды

Тұрмыстық зорлық-зомбылықтың құрбандары өзінің қайғысымен жалғыз қалмауы тиіс. Бұл туралы Қарағанды облысының әкімі Жеңіс Қасымбек мәлімдеді. Оның пікірінше, өңірде дағдарыс орталықтарының санын арттыру қажет. Облыста өмірлік қиын жағдайға тап болған адамдарға көмек көрсету үшін мемлекеттік мекеме ашу керек.
Дағдарыс орталықтарының желісін дамыту нұсқаларын облыс әкімі үкіметтік емес сектор өкілдерімен кездесу барысында талқылады.

– Бүгінгі таңда біздің облыста дағдарыс орталықтары жеткіліксіз және олар барлық қалаларда бола бермейді. Тәжірибе көрсеткендей, тұрмыстық зорлық-зомбылық мәселесі қазіргі таңда өзекті  болып отыр. Бұған қоғам мемлекеттік деңгейде де, жаһандық деңгейде де тап болады, – деді Жеңіс Қасымбек.

Ол конституциялық құқықтарды қорғаудағы мемлекет пен қоғамның күш-жігерін біріктіруді ұсынды.
– Соңғы уақытта маған Қарағандыда облыстық мемлекеттік дағдарыс орталығын ашу туралы көптеген ұсыныстар келіп түсуде. Мен бүгін мұндай қажеттілік туындады деп түсінемін. Сіздердің ұсыныстарыңыз туралы ойларыңызды естігім келеді, – деді облыс әкімі кездесуге қатысушыларға.
“Мир добра” ҚБ төрағасы Татьяна Абрамованың айтуынша, Қарағандыда дағдарыс орталығы тұрмыстық зорлық-зомбылық құрбандарына баспана ұсынумен ғана шектеліп қалған жоқ. Қоғам өкілдері құжаттарды ресімдеуге көмектесіп, құқықтық және психологиялық кеңестер берді. Алайда, өткен жылы орталық мемлекеттік әлеуметтік тапсырыс тендерін Теміртаудан келген ұйымның жеңіп алуына байланысты жабылды.

Қарағандылықтар көмексіз қалған жоқ. Олардың Теміртау ұйымының баспанасына кіруге мүмкіндігі бар.
– Біздің жоба – облыстық, 25 адамға есептелген. Бізде өмірде қиын жағдайға тап болған отбасыларға көмек көрсетуге бағытталған нақты миссия бар. Олар – көп балалы отбасылар, балалар үйінің түлектері және бас бостандығынан айыру орындарынан босатылған әйелдер, – деді “Мой дом” ҚБ жетекшісі Ирина Жданова.
Сонымен қатар, негізгі проблема дағдарыс орталықтарына арналған үй-жайлардың жетіспеушілігіне алып келеді.

Жеңіс Қасымбек қала және аудан әкімдеріне қолайлы ғимараттар тауып, мемлекеттік дағдарыс орталығын ашу алгоритмін әзірлеуді тапсырды.
– Мемлекеттік орталық пен қоғамдық бірлестіктер қатар жұмыс істеуі керек. Идеялар әртүрлі болуы мүмкін. Біз барынша қолдау көрсетеміз. Біздің өзекті мәселелерді бірлесіп шешетін боламыз, – деп атап өтті Жеңіс Қасымбек. 

Басқа материалдар

Back to top button