Спорт

Тоғызқұмалақты ту еткен Нольд

«23-24 шілде күні Германияда Швайнфурт қаласында Тоғызқұмалақтан өткен Еуропа чемпионатын бұрынғы Қарағанды облысының тұрғыны Юрий Нольд ұйымдастырған. Бұл туралы қарағандылық азаматша Светлана Демент хабарлады» деп мәлімдейді «Қазақпарат» агенттігі.

Агенттік таратқан мәлі­меттерге жүгінсек, Жаңа­ар­­қаның бұрынғы тұрғыны шетел­де қазақтың ұлттық ойынын дамытуға үлес қосып жүрген азамат. Тоғыз­құма­лақты отбасы болып, бірге ойнайды. Жүрген жерінде Тоғызқұмалақты насихаттауда.

«Халықаралық турнирдің ұйымдастырушысы – Қара­ғанды облысы, Жаңаарқа ауданының бұрынғы тұрғыны Юрий Нольд, Тоғызқұмалақ ойынының жаттықтырушысы. Ол шетелде қазақтың ұлт­тық ойынын дамытуға өз үлесін қосуда. Сол жақтан пікірлес азаматтарды тауып алды. Юрийдің отбасында Тоғызқұмалаққа ынтызар тек ол ғана емес. Оның қызы Ирина Тоғызқұмалақтан Қа­зақстан чемпионы және Тоғыз­құмалақ бойынша спорт шебері атанды», – дейді С.Демент.

Оның сөзіне қарағанда, Германияда Тоғызқұмалақтан биыл жарыс үшінші рет өту­де. Биыл оны Қазақстан тарапы қаржыландырып от­ыр. С.Демент Фейсбуктегі парақшасында турнирдің жа­ңалықтарымен бөлісті. Оғ­ан оның Германияда тұра­тын досы – Ирина Краснова көмектескен. Тара­тылған ақпараттарға сү­йенсек, чемпионатқа Гер­мания, Франция, Испания, Греция, Швейцария, Сомали, Қазақстан, Ресей сынды 13 елден 40 спортшы қатысыпты. Бірінші кезеңде ерлер мен әйелдер жеке-жеке бақ сынасқан.

Еуропа чемпионатының ашылуына Дүниежүзілік То­ғызқұмалақ федера­ция­сының президенті Әлихан Бәйменов пен Қазақстан Мәдениет және спорт министрлігі Спорт және дене шынықтыру істері комитетінің төрағасы Елсияр Қанағатов, Швайнфурт мэрі Карл Хайнц Каучок қатысқан.

Өз тілшімізден.

Басқа материалдар

Пікір үстеу

Э-пошта мекенжайыңыз жарияланбайды. Міндетті өрістер * таңбаланған

This site uses Akismet to reduce spam. Learn how your comment data is processed.

Back to top button