Спорт залы жөнделіп, іске қосылды

Бұқар жырау ауданының Қызылжар аулында жөнделіп, қайта жабдықталған спорт залы қайыра іске қосылды.

Жаңарып, жаңғыртылған нысанның ашылу салтанатында сөйлеген сөзінде Бұқар жырау ауданының әкімі Ерлан Бейсембайұлы Құсайын:

– Жаңадан қайта ашылған бұл ғимарат жергілікті тұрғындардың,балалар мен жасөспірімдердің кәсіби деңгейде жаттығып,өздерінің спорттық дағдыларын дамытып,жоғары жетістіктерге жетуіне мүмкіндік береді.Олардың арасынан болашақ чемпиондар шығарына сенемін, – деді.

Бұл спорт нысаны жергілікті бюджет қаражаты есебінен жөндеуден өткізіліп, “BATYR BOLAMYN” жобасы бойынша ол “Qazaqstan halqyna” қоғамдық қорының қолдауымен қажетті спорт жабдықтарымен жарақтандырылған. Яғни спорт залы үшін күрес кілемдері,теннис үстелдері, сондай-ақ жаттығу мен боксқа арналған жабдықтар сатып алыныпты.

Ержан ИМАШ,
Бұқар жырау ауданы
Суреттер ұйымдастырушылардан