Риодағы рекорд

Медальдар көрсеткіші бойынша Қазақстан құрамасы Олимпиадалардағы ел рекордын жаңартты. Кешегі нәтиже бойынша бізде – 15 медаль бар.

Бұған шаршы алаңға енді көтерілетін Иван Дычко мен Дариға Шәкімованың медалін қосыңыз. Әлі жарыс аяқтамаған таэквондошылармыз бен балуандарымыз да жүлдеге ие болуы мүмкін.

Естеріңізге сала кетейік, ел құрамасы 1996 жылы Атлантада – 11, 2000 жылы Сиднейде – 7,

2004 жылы Афиныда – 8, 2008 жылы Бейжіңде – 13 және 2012 жылы Лондонда – 13 медальді еншілеген-ді. Соңғы Олимпиададағы 13 медальдің жетеуі алтын болған.

Нұрқанат ҚАНАФИН