Облыстық онкологиялық диспансерде Ашық есік күні өтеді

25 мамыр күні меланома және тері қатерлі ісігі туралы ақпараттандыру мақсатында облыстық онкологиялық диспансерде Ашық есік күні өтеді. Шара таңертеңгі 09:00-ден 15:00-ге дейін жалғасады.

Тері меланомасы – адамда пайда болуы мүмкін қатерлі ісіктің ең агрессивті түрлерінің бірі. Оның метастазалануы өте жоғары деңгейде, сондықтан, аурудың неғұрлым ерте анықталғаны аса маңызды. Адам бойындағы қал, меңдердің тітіркеніп, қанауы олардың қатерлі ісікке айналуының тікелей жолы.