Көлік саласының құрметті қызметкерлері!
Сіздерді кәсіби мерекелеріңіз – Көлік саласы қызметкерлері күнімен шын жүректен құттықтаймыз!
Бүгінде Қарағанды облысында көлік саласында 20 мыңнан астам адам еңбек ететін 900 кәсіпорын бар.
Көлік саласынсыз ұлттық экономиканың тұрақты дамуын да, сонымен бірге, азаматтарымыздың күнделікті тұрмысын да елестету мүмкін емес. Көлік саласының еңбеккерлері ел экономикасына қосқан үлестері мен міндеттерді мінсіз атқарғаны үшін аса құрметке лайық.
Мемлекет басшысы Қазақстан Халқына арнаған «Қазақстанның үшінші жаңғыруы: жаһандық бәсекеге қабілеттілік» Жолдауында барлық көлік-логистика саласына нақты мақсаттар мен міндеттер қойды.
Географиялық қолайлы орналасуы, сондай-ақ, дамыған автокөлік және теміржолы бар Қарағанды облысы транзитті, жолаушылар және жүк тасымалын өркендетуде зор әлеуетке ие. Қазірдің өзінде контейнерлік тасымал көлемін арттыру бойынша ілкімді шаралар қолға алынуда, әуе көлігімен жүк тасымалын дамытуда бірқатар жобаларды жүзеге асыру жоспарлануда.
Алдағы міндеттердің табысты жүзеге асуы көліктік кәсіпорындардағы, автобус парктеріндегі, әуежайдағы, теміржол вокзалындағы және стансалардағы қызметкерлердің ерен еңбегіне, кәсіби шеберлігіне байланысты.
Саланың қарқын алуына ұзақ жылдарын арнаған және өздерінің ізін басар буын тәрбиелеген ардагерлерге ерекше лебізімізді жеткізгіміз келеді.
Құрметті қауым!
Ерен еңбектеріңіз, табандылықтарыңыз, өз істеріңізге адалдықтарыңыз үшін Сіздерге ризашылығымызды білдіреміз. Шын жүрегімізден Сіздерге және жақындарыңызға денсаулық, бақыт, игілік, еңбекте жеміс тілейміз.
Ерлан ҚОШАНОВ
Қарағанды облысының әкімі.
Серғазы ӘДЕКЕНОВ
облыстық мәслихат хатшысының міндетін атқарушы.
