Барлау бөлімшелері бағын сынауда
Спасск оқу-жаттығу орталығының базасында «Астана» өңірлік қолбасшылығының ұйымдастыруымен «Алтын Үкі – 2017» барлау бөлімшелерінің IX халықаралық жарыстары басталды.
Жалпы, «Алтын Үкі – 2017» халықаралық жарыстары – қатысушылардың іс жүзіндегі жауынгерлік әрекеттерін, сондай-ақ, жоғары адамгершілік-психологиялық әскери арнайы дайындығын қалыптастыруға бағыттайды. Сайыс өтетін бес күн аралығында Қазақстан, Беларусь, Пәкістан, Ресей елінің сегіз командасы арасында үздік барлау тобы анықталады. Сайысқа қатысатын әрбір әскери қызметші үшін қойылатын басты талап – төзімділік, дәлдік және ептілік таныту. Бұл ретте арнайы мақсаттағы әскери қызметшілер он кезеңнен өтуі тиіс. Осы арқылы барлау бөлімшелері командирлерінің жұмыс деңгейі, ал, әскери қызметшілердің оқ ату және далалық машық деңгейі белгілі болады. Оған қоса күрделі жағдайдағы міндеттерді пысықтауға әзірлігі, сондай-ақ әртүрлі кәсіби амалдарды орындау деңгейі анықталмақ.
Суретті түсірген
Д.Құрманғалиев.
