Теміртауда «Арселор Миттал» спорт кешенінде Кеңес әскерлерінің Ауғанстаннан шығарылуының 35 жылдығына және қаза тапқан интернационалист жауынгерлерді еске алуға арналған жасөспірімдер арасында бокстан 4 күндік турнир өтті. Жарыстың ашылу салтанатына ауған жауынгері Еркін Бексұлтанов қатысып, спортшыларға сәттілік тіледі.
Жарысқа Әлия Молдағұлова атындағы облыстық мамандандырылған спорт мектеп-интернат колледжінің спортшылары және Г.Головкин атындағы спорт кешенінен, Шахтер стадионынан, «Бокстан олимпиадалық резервтің облыстық мамандандырылған балалар-жасөспірімдер мектебінің», Ақтау кентінің және Теміртау қаласының боксшылары қатысты.
Бұл жарыс 23 салмақ дәрежесі бойынша өтіп, 170 спортшы қатысты.Теміртау командасы жалпы командалық есепте көш бастаса, ІІ орынды – Әлия Молдағұлова атындағы интернат колледжінің спортшылары, ІІІ орынды – Г.Головкин атындағы спорт кешенінің спортшылары алды.
Теміртаудың атынан қатысқан спортшылардың жаттықтырушылары: ҚР спорт қайраткері А.Дмитриев, Д.Гераськин, М.Сәрсекенов, К.Сахиев және спорт шеберлері А,Балтабаев, Е.Нұрқали, А.Байжанов, В.Хмелев.
Жарыс жеңімпаздары мен жүлдегерлері кубок, медаль, естелік грамоталармен марапатталды.
Әділет ШОПЕН.
ТЕМІРТАУ
