Асфальтная көшесіндегі жолдың бір бөлігі жабылды

Қарағанды қаласының әкімдігі азаматтарға Четская көшесіндегі жолды күрделі жөндеуге байланысты Асфальтная көшесіндегі жол бөлігінің жабылатынын ескертеді. Жөндеу жұмыстары 23 қазанға дейін жалғаспақ.

– Құрметті Қарағанды қаласының тұрғындары мен қонақтары! Четская көшесіндегі тас жолды күрделі жөндеуге байланысты 16 қазан күні сағат 08.00-ден 23 қазан күні сағат 23.00-ге дейін Асфальтная көшесінің Молокова көшесінен Затаевич көшесіне дейінгі бөлігі, оның ішінде қиылыс бөлігі жабылды, – деп хабарлады әкімдік.

Қала әкімдігі уақытша қолайсыздықтар үшін кешірім сұрап, қала тұрғындары мен қонақтарынан жолда кептеліс болмас үшін маршрутты алдын ала жоспарлауды сұрайды.

Ілияс ДҮНГЕНБАЙҰЛЫ.