Қарағанды қар астында қалмайды
Қарағандыда қысқы маусымға дайындық басталды. Қала көшелерін қалың қардан тазалауға 349 арнайы көлік пен 360 жұмысшы жұмылдырылады.
Қарағанды облысы әкімінің орынбасары Бауыржан Асанов қар тазалау техникасының дайындығын тексерді.
Биыл Қазыбек би және Әлихан Бөкейхан аудандары жолдарындағы және тротуарлардағы қарды тазалау жұмыстары 17 секторға бөлінген, мердігер компаниялардың саны да арта түскен.
– Өткен жылдардағы тәжірибені ескере отырып, биыл біз мердігерлік ұйымдардың санын 13-тен 17-ге дейін ұлғайттық, мердігерлерді учаскелер бойынша бөлу схемасы түбегейлі өзгерді. Барлық техника дайын, жолдарға себетін инертті материал дайындалды. Қар полигондары дайындалды. Өткен жылы бесеу болды, ал биыл біз саябақтар басқармасы үшін тағы біреуін жабдықтадық, – деді Қарағанды қаласы әкімінің орынбасары Рүстем Қожақапанов.
Тротуарларды тазалаумен жеке мердігер компаниялар айналысатын болады.
– Біздің компания Оңтүстік-Шығыс пен Федоровкадан басқа қала, Михайловка және Кирзавод жолдарына қызмет көрсетеді. Біз қар тазалауға, шығаруға, құм себуге, сыпыруға жауаптымыз. Бізде 111 техника бар – олар МТЗ-щеткалар, МДК-құм таратқыштар, автогрейдерлер, самосвалдар, тиегіштер. Өткен жылы инертті материалдың сапасына қатысты шағымдар болды, біз бәрін ескердік. Биылғы жылы ұсақ фракциялы құм-тұз қоспасы дайындалды. Сондай-ақ, тротуарларды қосуға мүмкіндік беретін арнайы техника сатып алдық. Бізде адамдар жеткілікті. Кадрлар тапшылығы болған еді, біз жалақыны көтердік және қазір толық штатта жұмыс істеп жатырмыз, – дейді «Тазалық Эксперт» ЖШС пайдалану жөніндегі кеңесшісі Әсет Шегебаев.
Қазіргі таңда қалада 24 мың тонна құм-тұз және 30 мың тонна көктайғаққа қарсы қоспа дайындалды.
Қыста қарды алты полигонға шығару жоспарлануда.
Жолдарды тазарту жұмыстары екі ауысымда, ал қалың қар жауған жағдайда тәулік бойы жүргізілетін болады.
Аида РАХЫМҚҰЛОВА,
ortalyq.kz
Суретті түсірген Жангелді ӘБДІҒАЛЫМ