Аймақта көктайғақ күтіледі

«Қазгидромет» синоптиктері 14 қазанда Қазақстанның 14 өңірінде ауа райына байланысты дауылды ескерту жариялады, деп хабарлайды Ortalyq.kz kazhydromet.kz сайтына сілтеме жасап.

Қарағанды облысының батысында, шығысында бұрқасын, көктайғақ күтіледі. Облыстың солтүстігінде жолдарда көктайғақ. Солтүстік-шығыстан жел соғады, облыстың батысында, солтүстігінде, оңтүстігінде екпіні 15-20 м/с. Облыстың оңтүстігінде, шығысында жоғары өрт қаупі сақталады.

Ал, Астана тұрғындарын көлік жүргізу кезінде абай болуға шақырады. Себебі қалада көктайғақ күтіледі.

Ақмола облысындағы жолдарда да көктайғақ болады. Түнде және таңертең облыстың батысында, оңтүстігінде тұман күтіледі. Солтүстік-шығыстан жел соғады, облыстың батысында, оңтүстігінде, шығысында екпіні 15-20 м/с күтіледі.

Ұлытау облысының солтүстігінде бұрқасын, көктайғақ күтіледі. Солтүстік-шығыстан соғатын жел оңтүстік-батысқа ауысады, облыстың солтүстігінде екпіні 15-20 м/с.

Материалды әзірлеген Ербол ЕРБОЛАТ.