Аймақта 111 ауыл мектебіне жөндеу жұмыстары жүргізілуде
«Ауыл – ел бесігі» жобасы аясында Гагарин ауылына (Бұқар жырау ауд.), Ағадыр (Шет ауд.) және Шұбаркөл кентіндегі (Нұра ауд.) мектепке қосымша тұрғызылып жатқан ғимаратың жөндеу жұмыстары аяқталып қалды. Сонымен қатар, Шет және Бұқар жырау ауданында бес жайлы мектептің құрылысы жүріп жатыр. Ал, желтоқсанның соңында Бұқар жырау ауданы, Новостройка ауылында салынып жатқан жаңа мектеп пайдалануға беріледі деп күтілуде. Бұл сол ауылдағы апатты жағдайда тұрған мектептің орнына салынып жатқан білім ордасы. Осы және басқа да мәселелер жайында облыстық білім басқармасының басшысы Гүлбақыт Жүнісова аппарат кеңесінде айтып берді.
Аймақта 222 ауылдық мектеп бар десек, оларда 34 мыңнан астам бала оқиды. Басқарма басшысы өз сөзінде ауылдық мектептерге тиісті жөндеу жұмыстары жүргізіліп жатқанын мәлімдеді.
– Бүгінгі таңда 111 ауылдық мектепке күрделі және ағымдағы жөндеу жұмыстары жүргізілуде. Барлық ауылдық мектеп интернетке қосылған. 106-да Starlink спутниктік технологиясы арқылы қосылу жылдамдығы артқан. Биыл біз жаңа модификациядағы 48 кабинет сатып аламыз. Келер жылы тағы 42 кабинетті жабдықтаймыз. Үш жылдық қайта қалыпқа келтіру жоспарына 34 ауылдық мектеп енгізілді. Олардың тоғызында жөндеу жұмыстары 2025 жылы басталады, – деді.
Сонымен қатар, басқарма басшысы тірек мектептердің тиімділігін атап өтті.
– Облыс бойынша қазір 130 магниттік мектепті біріктіретін 32 мектеп бар. «Қазақстан халқына» қорымен бірлесіп іске асырылатын тірек мектептерді дамыту жөніндегі жоба жалғастырылатын болады. Бұдан басқа, «Елдің нысаналы мектептерін дамыту», «Мың мектеп», «Қала-ауыл» сияқты республикалық жоба көмектеседі. Оқушылардың аграрлық мамандықтарға деген қызығушылығын арттыру үшін 65 мектепте «Ауыл шаруашылығына қадам» жобасы жүзеге асырылуда. Ал, жеке академия бастамашы болған «Репетитор» жобасы бойынша ауыл мектептерінің түлектеріне ҰБТ-ға дайындалуға көмектеседі, – деді.
Әрі басқарма басшысы ауыл оқушыларының жетістіктеріне де мтоқталды. Сөзіне сүйенсек, биыл жалпы білім беретін пәндер бойынша қарағандылық оқушылар республикалық олимпиадаларда тоғыз медаль жеңіп алған. Оның үшеуі – алтын. Сонымен қатар, «Дипломмен ауылға» бағдарламасы бойынша 51 жас мұғалім жұмысқа орналасқан.
Ербол ЕРБОЛАТ,
Ortalyq.kz
