Қарағандылық Руслан Ахметов әлем чемпионатын сәтті бастады

Черногорияның Будва қаласында World Boxing ұйымының U19 санатындағы әлем чемпионатында кезекті отандасымыз шаршы алаңға шықты.

85 келіде фавориттердің қатарына кіретін Руслан Ахметов 1/16 финалда Николай Ивановпен (Болгария) жұдырықтасты.

Отандасымыз 1-раундта-ақ қарсыласын бүйірден дамылсыз соққыға алып, толықтай басымдықты алды. Нәтижесінде 3-раундта да жерлесіміз төрешілердің шешімін өз жағына бұрып, 5:0 есебімен басым түсті.

Материалды әзірлеген Диас СЕРІКҚАЗЫҰЛЫ