Абай ауданында алдағы 12 тамыздағы Халықаралық Жастар күніне байланысты Жастар апталығы ұйымдастырылып, өткізіледі.
Аудандық ішкі саясат бөлімі белгілеп,бекіткен мерекелік бағдарлама бойынша осы апта қызықты іс-шараларға толы болмақ. Яғни 12 тамызда “Жігер” стадионында ашылатын апталық “Боксші” кинофильмінің көрсетілімімен басталып, ертеңінде “Юбилейное” кинозалында “Табиғатты қорғайық!” экологиялық кешінде осы тақырыпта көрсетілген бейнебаян талқыланып,14 тамызда жастар арасында “Абай жаққан бір сәуле ” атты әдеби баттл өтеді.
Ал 15 тамызда жастар Шерубай-Нұра су қоймасына барып,акция,тренинг,трансфер ұйымдастырып,апталық 16 тамызда ” Жігер” стадионында болатын шеберлік сыныптары,музыкалық арбат,бос орындар жәрмеңкесі,спорт жарыстары және сауда-саттықпен қорытындыланады.
Ержан ИМАШ,
Абай ауданы
Суреттер ұйымдастырушылардан
