Үздіктер бақ сынауда
Кеше кеншілер шаһарында жалпы білім беретін 15 пән бойынша республикалық олимпиаданың облыстық кезеңі басталды. Олимпиадаға аудандық, қалалық кезеңдерден өткен 9-11 сыныптар аралығындағы 555 оқушы қатысуда. Сайыста жаратылыстану-математика бағыты «Мұрагер» мамандандырылған мектеп интернатында ұйымдастырылса, гуманитарлық бағыттағы пәндер арасындағы сайыс Н.Нұрмақов атындағы мамандандырылған мектеп интернатында өтуде. Химия мен физика пәндері бойынша олимпиаданың практикалық кезеңі Е. Бөкетов атындағы ҚарМУ-де өтеді.
Олимпиаданың жеңімпаздары мен жүлдегерлері І, ІІ, ІІІ дәрежелі дипломдармен марапатталады.
Қазылар алқасының құрамында Е.Бөкетов атындағы ҚарМУ, Қарағанды медициналық университеті мен ҚарМТУ-дың ғылым докторлары, доцент, кандидаттары бар.
Жалпы, облыс құрамасы 10 жыл бойы «Ең үздік олимпиада командасы» атағына ие болып келді. Биылғы оқу озаттарына артылар үміт зор.
Аяулым СОВЕТ