Сырттағы қос жеңіс

     Жұма күні «Сарыарқа» Ресейдің Учала қаласында жергілікті «Горнякпен» кездесті. Қарағандылықтар 1:4 есебімен жеңіске жетті.

Есепті қарағандылық Дмитрий Орлов ашты (2-ші минут). 0:1. 30-шы минутта Олег Ломако басымдықты еселеді. 0:2. Үшінші кезеңде Егор Наместников (41-ші минут) пен Айрат Зиязов (50-ші минут) бір-бір шайбадан салып, «Сарыарқаның» көрсеткішін ұлғайта түсті. Ал, «Горняк» ойыншылары жалқы шайбамен жауап қатты. 1:4. Жеңіс туын «сарыарқалықтар» желбіретті.

Жұмадағы жеңістен кейін «Сарыарқа» жексенбі күні Орск қаласында «Южный Уралмен» күш сынасты. Мұнда да қарағандылық ұжым мықтылығын танытты.

«Оңтүстікоралдықтар» сапындағы Куршук 29-шы минутта матчтағы алғашқы шайбаны соқты. 1:0.

Дегенмен, арада екі минут өте Айрат Зиязов қақпашы Перетягиннен айласын асырып, таразы басын теңестірді. 1:1.

50-ші Минутта Зиязов тағы бір мәрте мергендігімен көзге түсіп, дубль авторы атанды. 1:2.

56-шы минуттағы Станислав Альшевскийдің соққысы есепті 1:3-ке жеткізді.

Сөйтіп, «Сарыарқа» сырттағы қос матчта да қарсыластарын қапы қалдырды.

Бүгін Челябі қаласында «Челметпен» ойнайды.

Екі ойыннан кейін «Сарыарқа» ЖХЛ турнирі кестесінде 6-шы сатыға көтерілді. Қоржында – 45 ұпай.

Нұрқанат ҚАНАФИН

Пікір қалдыру

Сіздің e-mail жарияланбайды. Толтырылуы міндетті *

This site uses Akismet to reduce spam. Learn how your comment data is processed.