Спорт қайраткеріне құрмет көрсетілді

Қарағанды қаласында белгілі спорт қайраткері Валерий Громовтың 70 жылдығына орай суға жүзуден турнир өтті. Барлығы 150-ге жуық спортшы қатысқан ашық біріншілікке қатысушылардың белсенділігі жоғары болды.

Жарыс жолына шығып, бағын сынаған спортшылардың бірі – Зере Мұрат. Оның жасы 12-де. Суға жүзумен айналысып жүргеніне 6 жылдан асты. Бұл жарыс­та ол брасс әдісімен 50 және 100 метр қашықтықта екінші орынды еншіледі.

Күн ұзаққа созылған турнир қорытындысында үздік шыққан спортшылар арнайы марапатқа және ақшалай сыйақыға ие болды. Шара соңында ардагерлер арасында ұйымдастырылған эстафетаға Громовтар әулеті бір команда боп қатыс­ты. Бұл – жас спортшылар үшін өнегелі естелік болды.

Ербол ЕРБОЛАТ,
Ortalyq.kz