«Сарыарқа» сыртта жүр
Жоғарғы хоккей лигасында кезекті ойынын түмендік «Рубинмен» өткізген қарағандылық «Сарыарқа» буллит сериясы кезеңінде 2:1 есебімен есе жіберді.
Есеп 57-ші минутта ашылды. Алғашқы шайбаны түмендіктер салды. Ресейліктер сапынан Сафаралеев мергендігімен көзге түсті. 1:0.
Екі минут өте қарағандылықтар таблодағы көрсеткішті теңестірді. «Сарыарқаның» қорғаушысы Иван Мищенко «рубиндік» қақпашы Франскевичтің қақпасынан саңылау тапты. 1:1.
Сөйтіп, жеңімпаз буллит сериясында анықталды. Бұл жерде «Рубиндегі» Скородумов командасына жеңіс алып келді. 2:1.
Қазір «Сарыарқа» 67 ұпаймен турнир кестесінің 4-ші сатысында. 35 ойын өткізіп, 22 кездесуде жеңіске жетті. 13 матчта қарсыластарынан айласын асыра алмады. Ал, лигадағы тағы бір қазақстандық клуб «Торпедо» көш бастап келеді. Өскемендік ұжымның еншісінде – 76 ұпай.
«Сарыарқаның» келесі ойыны да сыртта өтті. Кеше Қорған қаласында жергілікті «Зауралье» клубымен кездесті.
Нұрқанат ҚАНАФИН
