Құрметті журналистер мен медиа саласының қызметкерлері!
Сіздерді кәсіби мереке – Масс-медиа қызметкерлері күнімен шын жүректен құттықтаймыз!
Бүгінгі таңда сіздердің қызметтеріңіз қоғамда үлкен маңызға ие. Соңғы жылдары әлемдегі технологиялардың дамуы жаңалықтар ағынын еселеп арттырды. Осы орайда көрермендер мен оқырмандарға шынайы ақпаратты жедел жеткізе білу басты қажеттілікке айналды. Сіздер күнделікті жұмыстарыңызды атқара жүріп, әр күннің ақпараттық бейнесін қалыптастырасыздар. Бұл үлкен кәсіби шеберлік пен қажыр – қайратты талап ететін жауапты жұмыс.
Қарағанды журналистика мектебінің өзіндік дәстүрі бар, оның өкілдері жоғары кәсібилігімен және қызметіне адалдығымен ерекшеленеді. Осыған байланысты өңірлік журналистиканың дамуына елеулі үлес қосқан сала ардагерлеріне зор алғысымызды білдіргіміз келеді.
Осынау айтулы мереке күні біз барлық Масс-медиа қызметкерлеріне зор денсаулық пен шығармашылық шабыт және тың жобалар тілейміз. Қоғам игілігіне бағытталған елеулі еңбектеріңіз бағаланып, қаламдарыңыз қуатты, өмірлеріңіз шуақты болғай!
Ермағанбет БӨЛЕКПАЕВ,
Қарағанды облысының әкімі,
Нұркен КОБЖАНОВ,
Қарағанды облыстық мәслихатының төрағасы.
