Құрметті жерлестер!

Халқымыздың асқан кемеңгер ойшылы, қоғам қайраткері, Абылай ханның кеңесшісі, «Көмекей әулие» атанған Бұқар жырау Қалқаманұлының туғанына 2018 жылы 350 жыл толады.  Осыған орай, Бұқар жырау ауданында ұлан-асыр той жоспарланып, бүгінгі таңда  баба  мерейтойына дайындық шаралары басталып кетті.

Баршамызға ортақ тойға аймақ  жұртшылығы бір кісідей ат салысып, шараның абыройлы өтуіне үлесін қосады деп сенеміз.

Осы шара аясында ауданымызда «Бұқар жырау Қалқаманұлы» атына арнайы қоғамдық қор ашылып, төрағасы болып аудандық Ардагерлер ұйымының төрағасы Төкен Арбабаев  бекітілгенін хабарлаймыз.