Құрлық мықтысы

    Қарағандылық балуан биіктен көрінді. Түркіменстан астанасы Ашхабадта өткен жабық ғимараттағы V Азия ойындарында жерлесіміз Бейімбет ҚАНЖАНОВ алтыннан алқа тақты.

Бейімбет самбо күресінен 52 келі салмақта сынға түсті.

Биыл самбо Азия ойындарының тізіміне алғаш рет енгізіліп отыр. Сондықтан, Бейімбеттің алтыны – қазақстандықтардың осы спорт түрінен құрлық ойындарындағы алғашқы медалі.

Балуанның бапкері Қайдар Қанжановтың айтуынша, Бейімбет үшін Азия ойындары – Әлем кубогінен кейінгі биылғы маңызды дода болды.

Бейімбет – Ақсу-Аюлы кентінің тумасы. Бүгінде Осакаров аудандық ішкі істер бөлімінде қызмет етеді.

Нұрқанат ҚАНАФИН