Референдумға ұлттық киіммен келді

Приозерск қаласының тұрғындары, өнегелі отбасы Абдрахим Дүйсенбаев пен Бимария Жамбылбайқызы референдумға ұлттық киіммен келді.

Биыл 70 жасқа толған ардагерлер еліміздегі әр саяси оқиғада белсенділік танытатындығын жеткізді.

– Жасымыз 70-ке келді. Мен референдумда, Президент сайлауында да өзім келіп дауыс бергенмін. Бүгін міне, тағы да келдім. Бүгінгі маңызды күнде дауысымыздың аса құнды, пікіріміздің алтыннан қымбат екендігін ұмытпасақ игі еді. Себебі, халық – мемлекеттің басты қозғаушы күші. Ұлттық киім киіп, қазақтың дәстүрін ұлықтап жатырмыз. Аға ұрпақ кейінгілерге жол көрсетуіміз керек. Дауыс беру процесі штаттық режимде өтіп жатқаны да көңілге сенім ұялатады, – деп батасын берді ақсақал Абдрахим Дүйсенбаев.

Өз тілшімізден.

ПРИОЗЕРСК