Плей-офф кезеңіне өтуге мүмкіндік бар

Қарағандылық «Сарыарқа» хоккей клубы ел чемпионаты аясында сырт алаңда «Алматы» клубымен кездесті. Жерлестер бірінші ойында 2:1 есебімен жеңіліп қалса, екінші кездесуінде 1:6 есебімен жеңіске жетті. Осылайша, чемпионаттың плей-офф кезеңіне жолдама иеленетіндердің қатарына тұрақтады.

Алғашқы ойында жерлестер алаң иелерінен айласын асыра алмады. Дегенмен, екінші ойында қарымтасын қайтарды. Егер, жерлестер осы ойынды өз пайдаларына шешпегенде, турнир кестесіндегі халі мүшкіл болатын.

Қазір «Сарыарқа» клубы екінші ойындағы жеңісінен кейін 41 ұпаймен XII орынға тұрақтады. Ал, одан кейінгі орында 38 ұпаймен – атыраулық «Бейбарыс» клубы.

Көш басында 69 ұпаймен – көкшетаулық «Арлан». Одан кейінгі сатыда «Хумо» және «Номад Астана» клубтары тұр.

Ербол ЕРБОЛАТ,
Ortalyq.kz