Мал ұрлығы өршіп тұр
Қарағанды облысының криминалдық полиция қызметкерлері мал ұрлығы ісі бойынша белсенді жұмыстарын жалғастыруда. Шаруа қожалығының басшысынан 13 бас ірі қара ұрлады деген күдікпен ұсталған 33 жастағы жергілікті тұрғын өз кінәсін мойындады.
Тергеу барысында полиция тағы бір қылмысты ашты. Күдіктінің айтуынша, сатып алушылар да анықталды. Олардың бірі 41 жастағы Қарағанды тұрғыны. Көтерме саудагер тергеудегі адамнан 2 миллион теңгеге жеті бас ірі қара сатып алған. Тәртіп сақшылары сатып алушының мәміленің мән-жайын біліп қана қоймай, ұрланған малды басқа жерден сатып алған өз малым деп көрсету арқылы сатып алу фактісін жасырмақ болғанын анықтады.
Полиция азаматтарға ұрланған мүлікті сатып алуға немесе сатуға қатысу қылмыстық жауапкершілікке әкелетінін қатаң ескертеді. Жаза айтарлықтай айыппұлдардан бас бостандығынан айыруға дейін болуы мүмкін.
Ербол ЕРБОЛАТ,
Ortalyq.kz
