Жаңалықтар
«Мұнайшылар» мықты шықты
Дүйсенбі күні «Сарыарқа» «Нефтяникпен» кездесті. Альметьевскіде өткен ойын айдын қожайындарының пайдасына шешілді. 5:2.
«Мұнайшылар» сапында Александр Чиглинцев (18-ші минут), Александр Остроухов (21-ші минут), Максим Хапов (37-ші минут), Кирилл Адамчук (57-ші минут) және Умед Гильманов (59-шы минут) мергендігімен көзге түсті.
Бес шайбаға қарағандылықтар екі голмен жауап қатты. Екеуін де Артур Сарваров үшінші кезеңде салды. 45-ші және 54-ші минуттарда қақпашы Ярославлевтен айласын асырды.
Кеше «Сарыарқа» Нефтекамскіде «Тороспен» күш сынасты. Ертең пермьдік «Молот-Прикамьемен» мықтылық байқасады.
Өз тілшімізден.