Гена – P4P- королі

    WBC жерлесіміз Геннадий ГОЛОВКИНДІ «P4P-королі» деп атады. Осыдан төрт жыл бұрын Гена әр түрлі салмақтағы боксшылар арасында үздіктер үштігіне кірген еді. Кәсіпқой бокстағы 37 кездесудің бірінде тең түсіп, 36-сында жеңіс туын тіккен былғары қолғап шебері 21 қарсыласын сұлатып салып, атақты Майк ТАЙСОННЫҢ нокаут жөнінен рекордтық көрсеткішін жаңалады.

Биылғы қаңтардың аяғындағы «WBC-тің» твиттердегі микроблогын­да­ғы мәлімдеге сүйенсек, «GGG: P4P-королі, жылдың үздік боксшысы, нокауттар проценті – 80% астам», – делінген. Дауысқа салушылар «Қарағанды қабыланын» «Жылдың үздік бокс­шысы» деп танып, «орта салмақта көш бастаған патша» деп баға берген. Боксшының ауыз толтырып айтарлық жетістіктеріне әлем таңдануда.

Расымен де, бүгінгі күнде қазақ елі­нің біртуар, қайталанбас тұлғасы, белгілі спортшы Геннадий Головкинді білмейтін жан кемде-кем. Кезінде әуесқой бокста Қазақстан намысын әлем және Олимпиада ойындарында абыройлы қорғай білген боксшы қазіргі таңда еліміздің атын кәсіпқой деңгейде бүкіл әлемге әйгіледі.

Нұрдос КӘРІМ