Есірткіге жол жоқ
Қарағанды көлік-технологиялық колледжі мен технология және сервис колледжінің студенттерімен «Жаңа түрдегі есірткі заттары және жастар арасындағы нашақорлық мәселесі» тақырыбында кездесу өтті. Кездесу барысында студенттерге нашақорлыққа қарсы күрес пен зиянды заттардан аулақ болудың маңыздылығы түсіндірілді.
Іс-шараның спикері ретінде Қарағанды облысы полиция департаментінің есірткі қылмысына қарсы іс-қимыл басқармасының аға жедел уәкілі Н.Б.Садвақасов сөз сөйледі. Оның баяндамасында осы мәселеге қатысты маңызды сұрақтар талқыланып, нақты мысалдар келтірілді.
Студенттер пікірталасқа белсене қатысып, сұрақтар қойып, өз ойларымен бөлісті. Әрбір қатысушы өзіне пайдалы кеңестер алып, мамандардың тәжірибесіне сүйене отырып көптеген пайдалы ақпараттар алды.
Кездесу білім алушылардың есірткіге қарсы тұрақты ұстанымын қалыптастыруға, сондай-ақ оларды пайдаланудың, сақтаудың және таратудың алдын алу шаралары мен жауапкершілігі туралы ақпарат беруге бағытталған. Ерекше назар салауатты өмір салтының маңыздылығына және жастардың нашақорлыққа қарсы белсенді қатысу қажеттілігіне аударылды.
