Енді баланы басқа мектепке онлайн ауыстыруға болады
Енді eGov.kz порталы арқылы ата-аналар мен заңды өкілдер баланы бір мектептен екінші мектепке онлайн ауыстыра алады. Жалпы білім беретін ұйымды іздеу және таңдау процесі ата-ананың тіркеу орны негізінде шағын учаске бойынша оңтайландырылған.
“Ата-аналар мен заңды өкілдер мектепті тек шағын учаскеде ғана емес, сонымен қатар оның қалауына сәйкес келетін жағдайда оның шекарасынан тыс кез келген басқа жалпы білім беретін ұйымды таңдай алады. Сонымен қатар, жалпы білім беретін ұйымды таңдаған кезде пайдаланушыға таңдалған мектепте қол жетімді оқу тілі көрсетіледі. Жаңа процесс есептен шығару және бекіту талондарының, жеке істі тапсыру қажеттілігін жояды. Сондай-ақ, өтініш беруші мұндай қажеттілік туындаған жағдайда берілген өтінімді кері қайтарып ала алады”, – делінген ҚР электрондық үкіметінің сайтында.
Қызметті алу үшін пайдаланушыға:
– eGov.kz порталына кіру және “білім” бөліміне өту;
– тізімнен “орта білім” бөлімін таңдау, “балаларды мектептен мектепке ауыстыру үшін құжаттарды қабылдау” қызметін таңдау;
– қажетті жолдарды толтырып, ЭЦҚ көмегімен өтінімге қол қою қажет.
Қызмет нәтижесімен жеке кабинетте танысуға болады.
Материалды әзірлеген Аида РАХЫМҚҰЛОВА
