Дін өкілін ұлықтады

Тәуелсіздіктің 25 жылдығын мерекелеу аясында облыста бейбітшілік пен келісімді нығайтуға бағытталған діни шаралар өтуде. Соның бірі – Троица-Севастиан соборында жалғасты. Атап айтқанда, қарағандылық Севастиан қарияның қайтыс болуының 50-жылдығына арналған Құдайшылық литургиясы өтті. Құдайшылық литургиясына облыс әкімі Нұрмұхамбет Әбдібеков, Қазақстан Православ шіркеуінің басшысы Астана және Қазақстан митрополиті Александр (Александр Геннадиевич Могилев), Қазақстан облыстарының епископтары мен священниктері, Беларусь, Украина, Ресей, Өзбекстан митрополиттері мен епископтары қатысты. Крест сапары жүргізіліп, қасиетті Севастианға ескерткіш және ескерткіш тақта ашылды.

Бүгінгі атаулы күн Тәуелсіздіктің 25-жылдығы мен облысымыздың 80 жылдығымен тұспа-тұс ке­ліп отыр. Өткен ғасырдың ортасындағы Севастиан қа­рияның өмір жолы оңай болған жоқ. Өзінің екінші Отанына айналған Қазақстан үшін белсенді қызметімен әртүрлі ұлттар үшін рухани бастамашы болып, оларды қажырлы еңбекке ынталандырды, жүректеріне қазақ жеріне деген сүйіспеншілік тәрбиелеуге өз үлесін қосты. Қарағанды және Шахтинск Епархиясы қайырымдылықпен, өңіріміз­дің әлеуметтік саласын дамытумен айналысатынын айта кету керек. Басқа дәстүрлі діндер мен діни сенім өкілдерімен тығыз қарым-қатынаста бола отыр­ып, қазақстандық қоғамның толеранттылығы мен келісімін, өзара қарым-қатынасты ны­ғайтуға ат салысады, – деді өз сөзінде аймақ басшысы.

1933 жылы репрессияға ұшырап, ҚарЛаг сынағынан өткен, жан азабы мен тән азабын шексе де өз сенімінен бір сәтке де бас тартпаған Севастиан қарияның ерлігі өзі сияқтыларға үлгі болды. 1939 жылы лагерьден босап шыққаннан кейін де: «Осы жерде өмір сүретін боламыз. Бұл жерде өмір де басқа, адамдары да басқа» , – деп, азап қамытын арқалатқан жерде қалып, ізгілік ор­натпақ ниетпен Қарағанды қаласындағы Михайловка ауданына қоныстанып, өз ісін жалғастырған.

Севастиан қарияның қай­тыс болуына арналған ша­раға арнайы келген қонақтар К.Станиславский атындағы драма театрында Қара­ғандылық Севастиан қарияның өмір жолына, қазақстандық азап шегу­шілерге арналған фильм көрсетіліп, мерекелік кон­цертке қатысты.

19 қыркүйек күні мере­кеге қатысушылар Митро­полит Александрдың қа­тысуымен Михаил-Архангел соборындағы Құдайшылық литургиясына қатысып, лития қызметі өткізілетін, қасиетті Севастиан жер­ленген бейіттің басына бару рәсімінде болды.

Салтанат ИЛЬЯШОВА

Пікір қалдыру

Сіздің e-mail жарияланбайды. Толтырылуы міндетті *

This site uses Akismet to reduce spam. Learn how your comment data is processed.