Әділеттің жолы әдептен басталады
Өткен аптада әдеп жөніндегі кеңестің кезекті отырысы өтті. Әдеп кеңесіндегілер алдымен мемлекеттік қызмет саласындағы заңнама бұзылуының алдын алу мақсатында сыбайлас жемқорлыққа қарсы кодекс нормалары сақталмаған жұмыстарға тоқталды.
Кеңес отырысында мемлекеттік қызметшілердің талап пен тәртіпті бұзбауының алдын алу шаралары қарастырылып, сәйкес ұсыныстар жасалды. Кеңестің күн тәртібінде мемлекеттік органдардың тәртіптік комиссиялары қызметіне жүргізілген талдаудың қорытындысы айтылды. Сондай-ақ, мемлекеттік орган таратылған уақытта мемлекеттік қызметшілердің құқықтарының сақталуына жүргізілген талдау нәтижелері де сөз болды. Қарқаралы ауданының әдеп жөніндегі уәкілі аудандағы мемлекеттік қызметшілердің жұмыс барысына тоқталды.
Сондай-ақ, аталған отырысқа өзге мемлекеттік органдардың өкілдері онлайн форматта қатысып, туындаған мәселелерге жауап берді.
Кеңесте мемлекеттік қызметшіні (мемлекеттік қызметке кір келтіретін тәртіптік теріс қылық жасау фактісі бойынша) тәртіптік жауапкершілікке тарту көзделді.
– Биылғы 9 айда департаментке шағымдар түскен жоқ. Десек те, біз мемлекеттік қызметші мәртебесін көтеруге бағытталған жұмыстарды жалғастырамыз. Әсіресе, мемлекеттік қызметшілердің әлеуметтік кепілдіктерін сақтауға бағытталған жұмыстар – маңызды. Тұлғалардың заңмен белгіленген құқықтарын қалпына келтіруге, мемлекеттік қызметшілердің мемлекеттік қызмет саласындағы заңнама талаптары, әдеп нормаларының сақталуы ескерілуде. Бұзушылықтардың алдын алу және болашақта болдырмауға бағытталған сұрақтар туындаса, әдеп жөніндегі кеңес бұзушылықтың алдын алып, қызметшінің әдептілік деңгейін көтеруге күш салады. Қоғам мен мемлекет тарапынан ерекше сенімге ие болу – мемлекеттік қызметшілердің қызметтік әдебін биіктетеді, – деді мемлекеттік қызмет саласындағы бақылау басқармасының бас маманы Данияр Абдрахманов.
Отырыста бірлесіп шешілетін міндеттер белгіленді. Кеңес мүшелері мемлекеттік қызметшілер арасында орын алатын бұзушылықтарды болдырмаудың мақсаттарын бекітті.
Аяулым СОВЕТ,
Ortalyq.kz
