Бизнес бастау – бүгіннен
Аймақ колледждері базасында Қарағанды облысы кәсіпкерлер палатасымен бірлесе отырып, 23 бизнес-мектеп ашылды. Онда жастар өзекті білім алып, машықтанып, өзара ақпарат алмасып, идеяларын ұсынып, білікті сарапшылардан кеңес алады.
Қарағанды облысының білім басқармасы мәлімдегендей, бизнес-мектептер 16 мемлекеттік және 7 жекеменшік колледждерде жұмыс істейді. Оларда жалпы есептегенде 600 студент тәлім алады.
Ең үздік студенттік бизнес-жобаларды қорғау облыстық кәсіпкерлер палатасы базасында өтіп жатыр. Биылғы жылы 12 үздік жобалардың авторлары «Бизнес-кеңесші» бағдарламасы бойынша әрі қарай оқуларын жалғастыру мүмкіндігін алды.
Бүгінгі таңда бизнес-мектептердің 50-ден астам тыңдармандары өз істерін бастаған. Жалпы 2017 жылы болашақ кәсіпкерлер үшін 67 шара ұйымдастырылған. Ол старт-ап жобалардың байқаулары, дөңгелек үстелдер, бизнес-идеялар мен әлеуметтік-педагогикалық инновациялық жобалар, бизнес-ойындар, кәсіпорындарға экскурссиялар, табысты жергілікті кәсіпкерлердің қатысуымен өткен оқыту семинарлары және бизнес-тренингтер. Сонымен қатар, студенттер жастар кәсіпкерліктерінің семинар-практикумдары мен форумдарға қатысты.
«Атамекен» Ұлттық кәсіпкерлер палатасының бастауымен ұйымдастырылған «Жас кәсіпкер мектебі» жобасы шеңберінде бес колледж және екі жоғары оқу орындарында 65 студент оқудан өтті.
Облыс әкімінің
баспасөз қызметі.
