Балқашта бірнеше мекенжайда жылу жүйесі уақытша өшірілді

Балқашта диаметрі 159 мм болатын құбырдың зақымдануына байланысты бірнеше мекенжайда ыстық су және жылу уақытша өшірілді.

Атап айтсақ, Пушкин және Руханият көшесі бойынша №1 үйден бастап №19 үйлерге дейін және «ФОК» спорт кешенінде ыстық су мен жылу өшірілді. Жөндеу жұмыстарына байланысты Амангелді-Қазбеков, Амангелді-Қараменді би көшесінде көлік қозғалысы тоқтатылған.

Сонымен қатар, Шашубай №14 мекен жайы бойындағы диаметрі 89 мм құбырдан да ақау шыққан.

Қазіргі таңда жөндеу жұмыстары жүріп жатыр.

Ербол ЕРБОЛАТ,
Ortalyq.kz