«Қазақстан» шахтасын қасақана өртеу нұсқасына полиция түсініктеме берді
Әлеуметтік желілерде «Қазақстан» шахтасындағы өрт қасақана болуы мүмкін деген ақпарат тарап жүр.
Полиция тараған ақпаратқа қатысты түсініктеме берді.
– Бұл ақпарат шындыққа жанаспайды, – деп хабарлады Қарағанды облысының ПД баспасөз қызметі.
Полицейлер атап өткендей, барлық қажетті тергеу шаралары жүргізілуде, өрттің шығу себебін анықтайтын тиісті сараптамалар тағайындалды.
– Облыс тұрғындарын ықтимал қауесеттер мен арандатушылықтарға берілмеуді, тек ресми ақпаратқа сенуді сұраймыз. Жалған ақпарат таратқаны үшін Қазақстан Республикасы Қылмыстық кодексінің 274-бабына сәйкес қылмыстық жауапкершілікке тартылу қаупі бар, – делінген хабарламада.
Ербол ЕРБОЛАТ,
ortalyq.kz
