Қазақстан – Сан-Марино матчын әлемнің 36 мемлекеті тікелей эфирде көрсетеді

Бүгін «Астана Арена» стадионында Қазақстан құрамасы Сан-Мариномен кездеседі. Команда көшбасшылары Асхат Тағыберген мен Бахтиер Зайнутдинов жарақатқа байланысты ойынға қатыса алмайды. 

Ойынды 36 ел тікелей эфирде ұсынады. Олардың қатарында АҚШ, Қытай, Мексика, Испания, Франция, Индонезия, Сингапур, Ресей, Түркия сынды мемлекеттер бар.

Құрамалар H тобында ойын көрсетеді. Қарсыластары — Словения, Дания, Солтүстік Ирландия, Финляндия.

Қазақстан-Сан-Марино кездесуі елорда уақытымен 21.00-де «Qazsport» телеарнасынан тікелей эфирде көрсетіледі.

Алдағы екі ойында жеңіске жеткен жағдайда Қазақстан құрамасының құрлықтық дода финалдық сатысына жолдама алуына мүмкіндігі бар.