Қазақстан құрамасы ФИФА рейтингінде сегіз сатыға көтерілді

Халықаралық футбол федерациясы (ФИФА) ұлттық құрамалардың жаңартылған рейтингін жариялады. Жаңартылған рейтингте Ұлттық құрама сегіз сатыға жоғарылаған.

Сәуір айында ғана Қазақстан құрамасы ФИФА рейтингінде 112-ші сатыға көтерілген болатын. Кейінгі Сан-Мариномен (3:0), Солтүстік Ирландиямен (1:0) өткізген сырт алаңдағы ойынының нәтижесінде жаңартылған рейтингте 104-ші орынға көтерілді.

Қазіргі таңда рейтингте 1843.73 ұпаймен көш бастап тұрған – Аргентина құрамасы. Одан кейінгі сатыда 1843.54 ұпаймен – Франция, 1828.27 ұпаймен – Бразилия құрамалары тұр. Төртінші сатыда 1797.39 ұпаймен – Англия, 1788.55 ұпаймен – Бельгия үздік бестікті түйіндеп тұр.

Қазіргі таңда ұлттық құраманың еншісінде – 1198.24 ұпай бар.