Қауіптің алды алынды
Бетін аулақ қылсын. Өңірімізде террорлық әрекеттерге төтеп беруге дайын емес 1300 объекті бар. Бұл жөнінде облыстық ішкі істер департаменті мәлімдеме жасады.
Оларға мемлекеттік, стратегиялық нысандар және стратегиялық маңызы бар экономика саласының нысандары, қауіпті өндірістік нысандар, сондай-ақ, адамдар көп жиналатын аумақтар жатады. Бүгінде тиісті өткізу режимін, объектілерді қазіргі заманғы инженерлік-техникалық күзет жабдықтарымен жарақтауды қамтамасыз етуі міндеттелген.
Осы мақсатта өткен жылы облыстық ішкі істер департаменті терактыға осал объектілердің басшылары мен қызметкерлер үшін олардың содырлардан қорғалуын қамтамасыз ету бойынша нысандарға тексеріс жүргізген. Нәтижесінде, 385 тиісті нұсқама әзірленген. Террорлық шабуылға осал объектiнiң терроризмге қарсы қорғалуын қамтамасыз ету және қауiпсiздiгiнiң тиiстi деңгейiн сақтау жөнiндегi мiндеттердi орындамау орын алаған. Террорлық әрекет болу қаупі бар нысандар анықталуына байланысты 70 әкiмшiлiк материал сотқа жіберіліп, 54 басшыға жаза қолданылған.
Өз тілшімізден.
