“Қателіктер түзетіледі”
Қаламның күші қала әкімінің назарынан тыс қалмады.
Әдеттегідей, біздің басылым көше-аулалардағы мемлекеттік тілге қатысты кемшіліктер мен қателіктерді ашық жазып келеді. Соның бірі – облыс орталығындағы Бұқар жырау даңғылының атауы мен осындағы қате жазбалар. Бір емес, бірнеше мәрте жаздық.
«Орталықта» көтерілген өзекті мәселеге жергілікті билік жуырда үн қатты. Жазбаны назарларыңызға қаз-қалпында ұсынып отырмыз…
РЕДАКЦИЯДАН.
Қарағанды қаласының Қазыбек би атындағы ауданы бойынша қазіргі уақытта Бұқар жырау даңғылындағы аншлагтар мен көрсеткіштерді ауыстыру жұмыстары іске асырылуда.
Сонымен қатар, Бұқар жырау даңғылы, 51 мекен-жайындағы аншлагтағы қателіктер осы жылдың 1 маусымына дейін түзетіліп, ауыстырылатынын хабарлаймыз.
Т.ШАТОХИНА,
Қарағанды қаласы
Қазыбек би атындағы ауданы әкімі.