«Арланнан» осал түсті
Хоккейден Қазақстан чемпионаты шеңберінде «Теміртау» көкшетаулық «Арланды» қабылдады. Теміртаулықтар өз айдынында өткізген матчты өз пайдасына шеше алмады.
«Арлан» ойын басталысымен азуын көрсетті. 4-ші минутта Дорофеев қақпашы Енюшиннен айласын асырды. 0:1.
Ал, 13-ші минутта Бурделев «Арланның» басымдығын ұлғайтты. 0:2.
Бұдан кейін қорғанысқа көңіл бөле жүріп, қарымта шабуылдарға ден қойған «теміртаулықтардың» әрекетінен түк шықпады. Таблодағы есеп өзгеріссіз қалды.
«Сарыарқа» сияқты «Теміртау» да турнир бәйгесінде 6-шы орында келеді. Еншісінде – 38 ұпайы бар.
Елордалық «Номад» топ бастап тұр. 53 ұпай. «Арлан» – екінші орында (50 ұпай). Үздік үштікті қызылжарлық «Құлагер» 48 ұпаймен тұйықтауда.
«Теміртау» кеше кешке «Арланмен» тағы бір мәрте мықтылық байқасты.
Нұрқанат ҚАНАФИН